PATTAYA -- Umusad ang Philippine rowing teams sa men’s at women’s double skulls finals dahil sa kakulangan sa entries sa 24th Southeast Asian Games.
Gayunpaman ay nagpakitang gilas sina Clothelde Nillas at Jonnalyn Pedrita sa preliminaries kahapon matapos pumangalawa sa likod ng Thailand pair na sina Nikree Phuttaraksa at Phaeng-kathok Bussayamas sa Mab Prachan Reservoir sa lungsod na ito ng Chonburi province.
Nagsumite sina Nillas at Pedrita, fourth placers sa 2005 Manila SEA Games, ng tiyempong seven minutes at 45.40 seconds sa two-kilometer stretch, may 5:43 minutong distansiya sa oras ng Thailand (7:39.97) at umaasa si coach Edgardo Maerina na maganda ang ipapakita ng dalawa sa finals bukas.
“May pag-asa naman tayo kasi maganda ang pinakita nila sa lane race,” pahayag ni Maerina.
Diretso naman sa finals sina Alvin Amposta at Nestor Cordova ng men’s double skulls event, dahil anim lamang ang entries. (Dina Villena)