Julia's Resto mikulit na sab og daog
Ang Julia's Resto miposte og sunod-sunod nga kadaugan sa nagpadayong Lucky Tableware Regulars Basketball Tournament didto sa Visayan Glass gym sa Guadalupe, ning siyudad.
Katapusang biktima sa Julia's Resto mao ang Yayoy's Grill dihang ila kining gipukan sa iskor nga 53-45.
Ang kombinasyon nilang Rory Raspie ug Aldrin Fernandez maoy mihaling sa nagkayong opensa sa Julia's Resto sa unang-duha ka kuwarter diin milabaw kini og 13 puntos sa iskor nga 23-16.
Ang Yayoy's Grill pinaagi nilang Alex Move, Rocky Alcoseba ug Gary Ferrer misuway og gukod pag-abli sa second half, apan ang Julia's Resto daling nakabawi sa paningkamot nilang MJ Rodriguez ug Michael Viliran nga mipauwan og mga puntos.
Si Raspie mikati og 15 puntos ug si Fernandez midiga og 12 puntos alang sa maong kadaugan. Samtang si Move mi-iskor og 11 puntos alang sa pildering Yayoy's Grill, samtang sila si Alcoseba ug Ferrer miamot og 10 puntos matag usa.
PUNTOS MATAG
JULIA'S RESTO (53) -- Raspie 15, Fernandez 12, Viliran 6, Rodriguez 5, Seroy 4, Orosio 4, Grogaard 3
YAYOY'S GRILL (45) -- Move 11, Alcoseba 10, Ferrer 10, Estenzo 5, Loyola 4, Ruiz 3, Jumao-as 2
- Latest
- Trending
