Niños naka-ipsot batok Talisay
Ang gipasulod nga duha ka free throws ni Butong Villanueva sa katapusang singko segundos maoy nag-alsa sa Cebu City Niños ngadto sa kadaugan sa ilang duwa batok sa Talisay Aquastars sa iskor nga 73-71 sa Inter-city Cup Basketball Challenge niadtong Biyernes sa gabii didto sa Inayawan Sports Complex.
Sa maong duwa, si coach Jury Violango sa Talisay miprotesta sa ilang kapildihan gumikan kay si Rey Maraño wala mogamit sa orihinal niyang jersey number gikan sa no. 19 ngadto na sa no. 18.
Niadtong Nobiyembre 17, ang Cebu City Niños midaog sab batok sa Talisay Aquastars ug nagligas lang gihapon kini og dos puntos sa iskor nga 96-94 sa usa ka exhibition game.
Ang maong sangka nagpakita usab nga hugot ang kompetisyon nilang Villanueva ug Tabar kinsa maoy nangu sa scoring sa tagsa-tagsa nila ka koponan. Si Villanueva miposa og 25 puntos, samtang si Tabar mikulit og 19 puntos diin ang 13 puntos niini iyang nakuha sa fourth quarter.
Ang Talisay milabaw sa halftime sa iskor nga 37-32 ug ila pa kining nainat ngadto sa 10 puntos, 31-21 apan hinay-hinay kining napapas hangtod nga nailog sa Cebu City Niños ang kadaugan ning maong liga nga gipaluyohan sa Nature’s Spring, Omega Pain Killer, Casino Rubbing Alcohol, Efficascent Oil, CFL Focus Lamp, Yayoy’s Grill, MLKP ug Hotel Fortuna.
Puntos MATAG
Cebu City (73) -- Villanueva 25, Potencioso 18, Abellanosa 9, Cabo 8, R. Maraño 4, Labajo 3, Talido 2, Babiera 2, L. Maraño 2
Talisay City (71) -- Tabar 19, Ale Cabañero 13, Al Cabañero 11, Seguerra 8, Bardilas 7, Nacario 5, Macuto 2, Echavez 2, Caparas 2, Caparida . Halftime:
- Latest
- Trending
