Sirlitz milansa'g 3  ka daog sa Liloan Mayor's Cup

Ang Sirlitz One-on-One Liloan Selection  milansang sa ilang ikatulong sunod-sunod nga daog human nila gidapog ang Cebu Institute of Technology (CIT)-Firefly Lighting sa iskor nga 84-78 sa 2007 Liloan Mayor's Cup basketball tournament didto sa Liloan Kai Sports Complex.

Si Sirtliz-Liloan Selection   coach Edcel Vallena mapasigarbuhon mipahibalo nga ang iyang koponan gilangkuban lamang og local boys sa Liloan ug wala kini mokuha'g  reinforcements.

Si Jumel Baribe maoy topscorer sa Sirlitz-Liloan Selection sa iyang 20 puntos.  Sila si Redentor To-ong ug Rowen Tagalog mibugha og 13 puntos matag usa alang sa  Sirlitz-Liloan Selection nga pabiling nag-una sa overall standing nga adunay 3-0 win-loss record.

Ilang nangaging mga biktima mao ang Athletes for Christ through Evangelical Service (ACES) sa iskor nga 69-59 ug ang University of San Jose-Recoletos (USJ-R) nga nagligas lang og uno punto sa iskor nga 80-79.

Puntos Matag Usa

Sirlitz (84) - Baribe 20, Tagalog 13, To-ong 13, del Rosario 7, D. Alejandrino 6, Cabatingan 5, Cañete 4, D. Alejandrino 4, Yuson 4, Taneo 2, Jurado 2, Magdadaro 2, Manzanares 2.

Firefly (78) -- Navaja 17, Estrada 13, Resilla 11, Inoc 9, Aniñon 8, Capaning 6, Belano 4, Berido 4, Caballero 3, Galarde 3.