Ekin Caniga, kaubanan guests sa SCOOP karon
Ang mga opisyales sa Yaw-Yan Cebu ArDigma nga pangulohan ni Master Benigno ‘Ekin’ R. Caniga Jr. maoy dinapit sa senemanang SCOOP-Cebu Forum karong alas-11:00 sa buntag diha sa Baseline Restaurant diin ilang i-promote ang “Shockwave,” ang ikaupat nga hut-ong sa Ground and Pound Mixed Martial Arts and Kickboxing action tali sa Team Visayas ug sa Team Mindanao.
Ang slambang event gipresentar sa Yaw-Yan ArDigma Martial Federational Inc. gikatakda karong Disyembre 8 diha sa Cebu Coliseum.
Sa main attraction sa MMA bouts, si Ryan ‘Maximizer’ Solana sa Lapu-Lapu City’s Yaw-Yan Musang moharong ni Alcer ‘D Master of Disaster’ Lozada sa Butuan City’s Mindanao Top Team sa ilang tulo ka hugna nga kumbati ubos sa 70 kgs. division.
Ang mga tiket nagkantidad og P50 sa general admission, P100 sa upper box, P150 sa lower box, P300 sa ringside ug P1,000 alang sa VIP.
Alang sa dugang kasayoran, tawag lang sa 255-0356, 255-8919 o 255-1405.
- Latest
- Trending
