Si Ademar Toledo maoy mipatigbabaw sa 44 ka chess players aron pagdaog sa 2007 Lapu-Lapu City Fiesta Individual Chess Tournament didto sa Lapu-Lapu City Auditorium.
Wala makasinati og pilde si Toledo sa maong 5-round Swiss system tournament.
Mipuwesto sa ikaduha mao si Rito Bastida human sa iyuang kapildihan ni Toledo sa final round.
Si Bastida, uban nilang Arthur Castaños ug Aldwin Daculan, pulos adunay kuwatro puntos human sa fifth round, apan si Bastida maoy nilangkat sa runner-up honors human sa tiebreak.
Gumikan niini, si Castaños napunta sa ikatulo nga dapit, samtang si Daculan maoy miangkon sa ikaupat.
Si Felix Poloyapoy maoy mikompleto sa top 5 ning Lapu-Lapu City Fiesta committee-sponsored event.