Sally Mae Siso misakmit sa 14-under doubles title
Ang pambato sa Pilipinas nga si Sally Mae Siso ug ang katimbang niining si Theviah Selvarajoo maoy misakmit sa girls' 14-under doubles title sa Selangor International Junior Tennis Championships kagahapon didto sa Pikinis Sports Complex.
Walay tihik-tihik ang gipakitang duwa nilang Siso ug Selvarajoo hinungdan nga yano kaayo nilang gipilde ang tandem nilang Eliza Nur ug Rose Shamizza, 8-2.
Ang kadaugan nilang Siso ug Selvarajoo nalamasan og pait gumikan kay human sa ilang panagpares, sila na usab unya ang magsangka sa 14-under title nga gikatakda ugma.
Si Krissianne Kintanar sa
Gipukan ni Kintanar ang kaatbang niining si Nur Nabila, 6-2, 6-4 sa girls' 10-under division. Si Kintanar moduwa alang sa doubles title uban ni Delizaverne Singh, ang iyang kontra sa singles final sa mao gihapon nga dibisyon.
Sa iyang bahin, si Capadocia mipatigbabaw usab batok ni Arch Naah alang sa final seat sa 12-under category.
Didto sa Kelana Jaya Sports Complex, ang mga lalaki sa Pilipinas miabante sa semifinal round sa ilang tagsa-tagsa ka dibisyon.
Si Niño Siso, kinsa miduwa sa boys' 14-under class, nimasaker ni Asyraf Naim, 6-0, 6-0. Iya usab nga gipukan si Te Yu Chan, 6-1, 6-2 ug dayon Muhammad Naim, 6-1, 6-2 aron pag-angkon og lingkoranan sa semifinal.
Nagmadaugon sab si Jacob Lagman sa iyang pakigsangka ni Colin Wong, 6-3, 6-1 aron paglahos sa semifinal round sa boys' 12-under category.
Ang ikatulong sakop sa boys team nga si Vince Marc Tabotabo mipatakingking ni Mohammad Afiq Irfan, 6-1, 6-1 aron mopasilong sa semifinal sa boys' 10-under division. (Yoyo R. Abayan)
- Latest
- Trending
