UV booters nag-una

Ang University of the Visayas midaog sa ilang unang duha ka duwa aron pag-una sa 2007 Cebu Schools Athletic Association, Inc. (CESAFI) football tournament didto sa University of San Carlos Technological  Center sa Talamban.

Ang UV misugod sa ilang kampanya sa college division pinaagi sa pagkutlo og 2-0 nga kadaugan batok sa defending champion University of San Carlos (USC).

Kulba kaayo ang UV booters atol sa ilang ikaduhang duwa diin ilang gisirohan ang University of Cebu (UC).

Ang UV naglantaw sa  ilang ikatulong daog batok sa University of San Jose-Recoletos (USJ-R) karong  Sabado ug dayon sangkaon nila ang University of Southern Philippines-Foundation (USP-F).

Matud pa ni coach Frederick Alazas nga ila na nga na-engkuwentro ang USJ-R ug USP-F kaniadto ug ang pagkulit og daog batok sa duha ka teams dili kaayo lisud.

Sa pagka karon, ang USJ-R maoy ikaduha sa standing nga adunay usa ka daog ug usa usab ka draw,  ikatulo ang USC nga usay pilde ug usa ang draw, samtang ang UC maoy nabalhog sa kinailawmang bahin nga nakatilaw na og duha ka pilde. (Yoyo R. Abayan)