Garcia-Chiong tandem naghari
Ang tandem nilang Atty. Alfredo ‘Golaks’ Garcia ug Naga City Mayor Val Chiong maoy milangkat sa Class A crown sa 2007 Cebu City Tennis Club (CCTC) Commercial Tournament didto sa Baseline tennis courts.
Silang Garcia ug Chiong mipukan sa paresan nilang Sano Delgra ug Tata Cimafranca sa iskor nga 8-3.
Sa laing bahin, sila si Tomas Misa ug Teddy Faburada midaog sa kulbahinam nga duwa batok nilang Siongo Yang ug Ing-Ing Paradiang aron pag-angkon sa korona sa Class B.
Nagmadaugon usab sila si Cesar Manalili ug Jeffrey Enad dihang ilang gipukan ang tandem nilang Dodong Tallo ug Dodong Beltran aron pagsakmit sa Class C title ning usa ka semana nga kompetisyon nga gipadagan ni race director Richie Bacalso ug sa suporta sa Accord Savings Bank, Inc., Tavos Sports, Bank of Makati, Chris Sports ug Naga City Mayor Val Chiong.
- Latest
- Trending
