Hapee, Harbour Centre magkasalo sa liderato

Nagtala ang Harbour Centre at ang Hapee  ng magkahiwalay na panalo upang manatiling magkasalo sa liderato ng 2008 PBL V-Go Extreme Energy Drink Cup na nagpatuloy sa The Arena sa San Juan kahapon.

Umiskor si Al Vergarra ng dalawang triples at nagdagdag si Solomon Mercado ng isa sa final four minutes ng laro para ihatid ang Harbour Centre sa 82-76 panalo laban sa Pharex  habang nagbida naman sina Mark Borboran at Gabe Norwood para sa Hapee Complete Protectors sa endgame upang igupo ang SEA Games bound Philippine team, 78-73.

Tabla ang Hapee at Harbour sa 3-0 record kasunod ang RP Team na bumagsak sa 3-2 habang nalasap ng Pharex ang ikatlong sunod na talo.(MAE BALBUENA)