Lumantao mipuhal ni Laude

Natalbogan  ni Esmael 'Dodong' Lumantao  ang abilidad sa banggiitang si Roy Laude aron pagdaog sa Cebu Darts Association (CDA) Weekly Darts Competition didto sa Baseline Sports and Recreation  Center.

Gisirohan ni Lumantao si Laude, 2-0 sa final match.

Sa laing bahin, si Rolly Majorenos maoy miangkon sa ikatulong dapit, samtang si Rodrigo Pamatian maoy mipahiluna sa ikaupat nga dapit.

Paningkamot an ni Lumantao nga masublian ang iyang kadaugan dihang moduwa kini karong gabii.

Kinahanglan nga mohipos og daghang daog  si Lumantao sa maong kompetisyon aron makaangkon kini og lingkoranan sa Governor's Cup nga gitakda karong bulana didto sa Cabadbaran sa Agusan del Norte.

Ang local darters naglantaw karon sa Governor's Cup nga adunay   kinatibuk-ang   P1 million nga ganting salapi.