Ang SME Academy ug San Roque Football Club maoy migawas nga mga kampiyon sa 1st Futsal for Don Bosco Boys Home Youth Development Tournament nga gipahigayon didto sa Don Bosco College gym.
Ang SME nagsalig sa ilang maayong tono sa duwa sa ilang mga magduduwa aron pagpukan sa Don Bosco Boys Home-A, 6-5 sa men's final, samtang ang walay pagpukan sud sa unom ka duwa nga San Roque Football Cub mao usab ang midaog sa women's title.
Ang SME milahos sa final nga wala makapatulo'g singot batok sa San Roque Royale United Football Club gumikan kay tulo lang ka players ang mitunga niini sa ila untang duwa sa semis.
Sa laing semifinal match, ang Don Bosco Boys Home-A yano kaayong miangkon og daog pinaagi sa paglubong sa House of Hope, 14-2.
Sa duwa sa ikatulong dapit, ang House of Hope midaog batok sa San Roque Royale United Football Club, 7-3.