100 runners apil sa PCS Fun Run

Gatosan ka mga runners dinhi sa Sugbu ang  magginukdanay sayo ning buntag alang sa Philippine College of Surgeons (PCS) Fun Run nga magsugod diha sa Cebu Doctors’ University  Gym.

Ang hari ug rayna sa karsada  nga sila si Mendel Lopez ug Leiszl Lumindas-Getaruelas maoy mangulo sa mga runners.

Ang laing Sugbuanong finalists sa 2007 Milo National Marathon gilauman sab nga modagan sa maong lumba isip kabahin sa ilang hugtanong pangandam  alang sa national finals  sunod buwan didto sa  Manila.

Ang mga dekalibreng runners modagan sa 10-kilometer, samtang ang uban nga mga partisipante ug ingon man ang fun runners modagan ubos sa 5K  run.

Ang maong kalihukan gitukod sa PCS Cebu-Eastern Visayas Chapter uban  sa abag sa Cebu Road Runners Club ug  sa Sight First Running Club.