Bilyaran sa Candaguit

Karon lang bag-o, nakadawat ko'g reklamo gikan sa usa ka magbabasa mahitungod sa usa ka bilyaran sa Candaguit. Sumala pa sa reklamante nga si Melvin, ang mga bata dili na manulod sa klase kay nabuang sa pagdula og billiard.

"Unsa may buhaton nako aron masulbad ni?" Nagkanayon si Melvin sa iyang text kanako gamit ang cellphone number 0918-3248882

* * *

Ang angay mong buhaton mao nga makigsulti ka sa tag-iya sa bilyaran ug ipadayag ngadto kaniya ang imong concern. Ipasabot ngadto kaniya nga dili maayo nga tugotan pagdula ang mga bata panahon sa tingklase. Ipasabot kaniya nga dili lang ang kaugalingong interes maoy angay seguroon kondili magpakabana usab sa kaugmaon sa mga bata.

Kun dili siya mopatuo nimo, mao na kana ang panahon nga modangop ka ngadto sa mga  barangay opisyal. Ayoha pagdetalye ang imong reklamo aron makasabot sila  nganong mireklamo ka batok sa  usa ka bilyaran. Lehitimo baya kining imong concern. Nalambigit man gud niini ang kaugmaon sa mga bata nga giisip natong paglaom sa nasud.

Unsa pa may "paglaum" kun maguba ang ilang kaugmaon tungod sa pagdula og bilyar nga wala ibutang sa hustong lugar?

* * *

Kining ubos ninyong maglilindog gusto kaayo nga mosanay ang kaliwat sa mga bilyarista. Apan sa samang higayon, hugtanon sab tang mikampanya nga kinahanglan gyud nga makatapos sa pagtuon aron makabaton og masanag nga kaugmaon. Kini alang sa seguridad sa kinabuhi. Aron dili magkalisod-lisod.

Manghinaot kita nga matandog ang pagbati sa tag-iya sa bilyaran  diha sa Candaguit ug dili niya tugotan nga makadula ang mga bata panahon sa tingklase. Walay mahimo ang mga bata dili niya tugotan busa, anaa gyud kaniya ang dakung papel.

* * *

MAGBILYAR TA TEXTMATE PORTION: 0928-9079292, 0928-9691385, 0928-3722784, 0920-8609882, 0929-2428679, 0910-3392280 ug 0921-6660913.

Daghan na kaayo ang nakabaton og buotan nga textmate pinaagi ning atong column. Busa, text na!

* * *

(Mga sugyot ug pakisayod? Text sa 0910-8105522).