Ang San Roque Royale United Football Club (SRRUFC) ug SME Academy nga milansang og duha ka daog temporaryo karong nag-una sa tagsa-tagsa nila ka dibisyon sa 1st Futsal for Don Bosco Boys Home Youth Development Tournament didto sa Don Bosco College gym.
Ang SRRFUC mikulit og 4-3 nga kadaugan batok sa Don Bosco College alang sa ilang unang daog ug nasundan ang ilang daog pinaagi sa paglampurnas sa People Support, 7-4.
Uban ang 2-0 win-loss nga baraha, ang SRRUFC mao karon ang nag-una sa bracket A.
Sa laing aksiyon, kontrolado kaayo sa SME Academy ang maong duwa ug yano kaayo nilang gipilde ang People Supports, 12-6. Midaog dihang ilang gipiit og maayo ang Don Bosco Boys Home-B, 6-1 aron pagdominar sa bracket B nga adunay 2-0 win-loss nga baraha.
Wala sab mohatag og konsuwelo ang University of the Philippines Alumni squad human nila sirohi ang DBH-B, 12-0 sa lain nga engkuwentro.
Sa pikas bahin, ang San Roque Football Club mipukan sa DBC, 4-2 aron sa pagpangulo sa ilang dibisyon bitbit ang 2-0 win-loss record, samtang ang DBC ug Cebu State College of Science and Technology (CSCST) nagpabiling wala katilaw og daog.