PCS  Fun Run

Subli na sab nga modagan ang mga Sugbuanon nga mahiligon og lumba sa dagan dihang mosalmot kini sa Philippine College of Surgeons (PCS) Fun Run karong Oktubre 28.

Ang lumba adunay duha ka kategoriya -- 10K  run ug 5K run.

Mopadagan  ning maong kalihukan mao ang PCS Cebu-Eastern Visayas Chapter uban sa suporta sa Cebu Road Runners Club ug sa First Sight Running Club.

“Our group plans to organize at least five fun runs a year to keep people running,”  matud pa ni Dr. Peter Mancao.

Alang sa dugang kasayoran, mahimong motawag ni Miriam sa 0917-3248046. (YRA)

CCCI  bowling tournament

Ang Cebu Chamber of Commerce and Industry (CCCI) mopahigayon og  bowling tournament karong Sabado diha sa SM City Bowling Center sa reclamation area, ning siyudad.

Nanginahanglan ang mga tigpasiugda og dili momenos 20 ka teams diin ang matag teams langkuban og upat ka players.

Ang registration fee nagkantidad og P2,500 libre na niini ang event t-shirt ug snacks sa mga partisipante.

 Alang sa dugang detalye, tawag lang sa  CCCI sa 232-1421-24 local 110 to 111  ug pangitaa  si Joy o dili ba si Letlet. (YRA)

Darts tourney sa Baseline

Paningkamotan sa Cebuano darters nga mohipos og laing titulo dihang mosalmot kini sa 1st Queen City of South Open Darts Tournament nga sugdan ugma diha sa Baseline Sports Recreation Center, ning siyudad.

Ang duha ka adlaw nga torneyo nagtanyag og P25,000 nga ganting salapi.

Gawas sa ganting salapi, ang mga mananaog makadawat  og tropeyo  ning maong kalihukan nga us sa mga highlights sa ika-34 nga anibersaryo  sa Baseline. (YRA)