Firefly nakasud na sa semifinal

Nakasulod na sa semifinals ang  Firefly human gipilde ang San Fernando Selection sa iskor nga 95-87  pagtak-op sa elimination round sa Aloguinsan Open Basketball Tournament didto sa Alodome.

Ang Firefly nagsalig sa ilang tulo ka hari aron sa  pagkontrolar sa duwa sa ikatulo ug ikaupat nga mga kuwarter.

Ang point guard nga si Rino Berido maoy mibirada sa ikatulong kuwarter aron  pagpa-abante sa Firefly og 14 puntos.

Apan sa wala  pa mahitabo, nadominar sa San Fernando ang ikaduhang kuwarter ug milabaw kini og dos puntos, 28-26 paghuman sa first half.

Ang Firefly mao karon ang nag-una sa Bracket B nga adunay 3-0 win-loss nga baraha.

Mohamag kini sa Team Survivor sa tinaktakay nga semifinals diin ang  modaog  moabante sa kampiyonato.

PUNTOS MATAG USA

Firefly (95)  -  Aniñon 23, Gallarde 21, Berido 20, Fuentes 19, Abapo 8, Belano 6, Go 3

San Fernando (87) - Sarabosing 25, Quijano 17, Anuada 14, Sasuman 12, Delos Santos 10, Mendaros 6, Delos Santos 4, Delfin 4, Langbid 1