MSLDF-star milampurnas sa Talisay
Nakabarog pa ang M. Lhuillier Sports Development Foundation (MLSDF) All-Stars human kini mahagba sa unang set aron pagpatikyaob sa Talisay City sud sa upat ka sets, 3-1 sa ilang volleyball exhibition game dili pa dugay didto sa Talisay City Sports Complex.
Ang MLSDF ni executive director ug Mandaue City sports adviser Eddie B. Ybañez napilde sa unang set, 25-22, apan nakabawi kini sa second set aron pagpukan sa Talisay, 25-15.
Ang MLSDF stars nga nagsalig sa mainitong duwa nilang Kennette Garces, Mechelle Matuguina ug Marissa Lagancia, mitiwas og latos sa Talisay sa ikatulong set, 25-16.
Nagkainit og maayo ang duwa sa MLSDF hinungdan nga ilang natiwasan ang Talisay sa ikaupat nga hugna, 25-10.
Ang MLSDF stars moagi og tungason nga dalan gumikan kay ilang harungon ang nagpaabot nga Team Hiroshi sa deciding game sa ilang "best-of-five" series nga banatan karong adlawa dungan usab sa finals sa 1st M. Lhuillier Kwarta Padala Developmental Volleyball League for Boys and Girls.
- Latest
- Trending
