Team Pacman vs. Cebu Media sa 1st MP Cup opening game
Ligwaton na sab og balik ang panagkaribal sa Team Pacman ug Cebu Sports Media Association (CSMA) Hoopsters dihang magsangka kini sa opening game sa 1st MP Cup Invitational Basketball Tournament karong Domingo diha sa University of
Ang duwa gitakda sa alas-2:00 sa hapon.
Kahinumduman, ang Team Pacman ni Manny Pacquiao ug coach George Rama ug ang CSMA Hoopsters nagsangka sa "best-of-five" exhibition games panahon nga si Pacman mipahigayon og lima ka semana nga ensayo pagpangandam sa iyang rematch batok ni Marco Antonio Barrera, kinsa iyang gipukan pinaagi sa 12-round unanimous decision niadtong Domingo didto sa Mandalay Bay Hotel and Casino sa Las Vegas, Nevada.
Si Pacquiao miduwa og tulo ka higayon diin ang Team Pacman maoy midominar sa serye nga miposte og
Napulog-walo (18) ka teams nga gibahin sa duha ang mosalmot niining maong torneyo nga migahin og P100,000 nga ganting salapi.
Ang Team Pacman ug Cebu Media nahiubos sa Bracket A uban sa Cebu Eastern College Alumni Basketball Association (CECABA) Selection nga pangulohan ni Chester Cokaliong, MS Motosuit-Unity Basketball Club ni sports patron Lou Ornopia, Rex 'Wakee' Salud (RWS) Stable, Club Monday, Philippine Farmer's Bank-IBP, Metro Cebu Water District (MCWD) ug ang House of Hope.
Nagpundok sa Bracket B mao ang San Carlos Boys High Alumni Basketball Association (SCBHABA) ug Punta Princesa Sports Association (PPSA) ni Reeve Jumawan, Jaycees Basketball Association (JBA) nilang Boy Te ug Benedict Chua, Dewfoam-United Architects Basketball Club (UABC) ni Archt. Alan Choachuy, Casino Filipino-Mactan, Metro Cebu Basketball Association (MCBA) ni Edward Ligas, Barkada-Rama Boys ni vice mayor Mike Rama ug Coco Roj-Iglesia Ni Cristo (INC).
Si tournament commissioner ug The Freeman sports columnist Rico Navarro ug technical committee chief Danny Duran miingon nga ang mga koponan moduwa og single round robin format sa classification round.
Ang nag-unang duha ka teams matag bracket moabante sa crossover semifinals diin ang mga mananaog maoy magsangka sa championship nga gitakda karong Disyembre 9.
- Latest
- Trending
