Nabalhiboan sa haring gangis M. Lhuillier Sports Development Foundation (MLSDF)-Mandaue Under-21 selection ang undertrainees sa University of the Visayas (UV) Baby Lancers dihang ila kining gipukan sa iskor nga 57-53 sa ilang goodwill encounter niadtong miaging adlaw didto sa barangay Looc Gym sa dakbayan sa Mandaue.
Ang MLSDF ni multi-titled coach Eddie B. Ybañez igo lang milabaw og kuwatro puntos human sa tulo ka kuwarter sa iskor nga 39-35, apan wala kini mohatag og higayon sa Baby Lancers nga makaapas.
Si Ronron Cabahug mibugha og lima ka triples aron sa pagpangulo sa MLSDF sa iyang 15 puntos, gisundan ni Joven ‘Yao Ming’ Cortes nga miani og 10 puntos.
Nakatampo sab og puntos silang Anjohn Cabahug, Fiel Mercader ug Epoy Cabahug nga nagkumboya og 23 puntos.
Ang maong exhition game kabahin sa pagpangandam sa MLSDF-Mandaue alang sa umaabot nga 1st Cebu Inter-City basketball tournament nga gitukod sa BAP-SBP Cebu Province director Lorenzo ‘Chao’ Sy.
MGA ISKOR
MLSDF (57) - R. Cabahug 15, Cortes 10, A. Cabahug 8, Mercader 8, E. Cabahug 7, Ybañez 3, Bosque 2, Bucayan 2, Daan 2
UV (53) - Quintana 21, Cantonao 7, Calo 7, Benedicto 4, Gozon 4, Sardina 4, Diacoma 4, Ngoho 2