Motocross sa Casili, Consolacion

Labing menos 50 ka daredevils ang gipaabot nga mopakita’g aksiyon sa ipahigayong St. Therese Birthday Invitational Motocross karong adlawa didto sa Casili, Consolacion.

Gumikan sa kahimtang sa panahon, seguradong ang mga Sugbuanong motocross riders  makasinati og kalisud ug moagi sa lapukon ug dangog nga racetrack ning maong lumba nga gisuportahan sa MS Motocross.

Bisan pa og dili kini kabahin sa 2007 MS Motosuit Motocross Series,  gipaabot nga hugtanon gihapon ang maong kompetisyon.

Ang riders maglumba sa nagkalain-laing mga kategoriya nga naglakip sa experts, veterans, mini, beginners, ug ang intermediate enduro ug production classes.

Gipangulohan ni Alex Inoc, ang maong kalihukan gisuportahan sab sa MS Digital Prints, MS Car Suits, Keiz BJ Motor Sales,

Tony Tigle Motorparts, Disston Premium Paint, CEVETCO, Cebu Progress Marketing, RMO Motor

Parts, 888 Header Core Muffler Tech, Romac Marketing ug ang mga pamilyang Wagas, Herona, Sicad, Tigi ug Bihag.