Dalaguete nakaipsot sa San Fernando

Milampos ang host-Dalaguete pagpanalipod sa ilang balwarte human nila  maangkon ang kulbahinam nga kadaugan sud sa tulo ka sets batok sa San Fernando sa pagsugod sa cluster championships sa 3rd Governor Gwen Garcia Unity Volleyball Cup for Women kagahapon didto sa Dalaguete Sports Complex.

Ang Dalaguete nadugmo sa unang hugna, 12-25, apan nakabangon kini sa  nagsunod  nga duha ka sets aron pagpukan sa San Fernando,  25-18,  25-23.

Sukwahi sa Dalaguete nga     nakasugat  og hugtanong     kumbati,  ang Minglanilla yano ra sab kaayong milangkat og daog batok  sa San Fernando, 25-17, 25-3.

Sama sa Dalaguete, ang Sibonga nakadesisyon sa wala pa nila matumba ang Sibonga.

Mobalik ang aksiyon sa Cebu Volleyball Association (CEVA)-organized event karong adlawa diin ang San Fernando makigsangka sa Argao ug dayon  ang  Sibonga.

Ang Sibonga aduna sab duha ka duwa uban sa Dalaguete. Ang laing kaatbang sa Sibonga mao ang Minglanilla, samtang ang Dalaguete makigtige sa Argao ug Minglanilla.