2nd Fisherman's Net 9-Ball mo-ulbo karong Sept. 29

Mga dekalibreng magduduwa gikan sa Visayas ug Mindanao ang gipaabot nga mag-abot sa ipahigayong 2nd Fisherman's Net Restaurant 9-Ball Class A, B ug C Handicapping Tournament nga mosikad karong Septiyembre 29  sa ala-1:00 sa hapon diha sa Fisherman's Net Restaurant Garden Area sa Lahug, ning siyudad.

Makadani nga P30,000 ganting salapi ang gitagana alang ning maong torneyo.

Ang makampiyon makadawat og P13,000, samtang ang second placer mobulsa og P6,000 ug P2,500 matag usa alang sa third ug fourth placers.

Dili sab magmahay ang  mosakay sa top 16 gumikan kay  hatagan kini og P500 matag usa.

Ang registration nagkantidad og P300 sa unang adlaw, samtang P250 sa re-entry.

Alang sa dugang kasayoran, tawag lang sa 232-6681 o dili ba sa  0922-9871995.