Jeson Guardo tulo nay daog
Ang Jeson Guardo mikulit sa ilang ikatulong kadaugan pinaagi sa paglubong og 10 puntos sa Firefly sa iskor nga 77-67 ug aron usab pagbinugtong sa liderato sa 2007 CEBOA Inter-Company basketball tournament diha sa San Roque gym duol sa Patria de Cebu, ning siyudad.
Ning higayona, si playing coach Ramesh Mulchandani mao na ang nangulo sa Jeson Guardo sa iyang game-high 22 puntos.
Si Jojo Navia miamot og 18 puntos, gisundan ni Oning Villarosa nga mikandos og 14 puntos ug Michael Cinco nga igo lang gyud nakaabot sa double figure nga 10 puntos alang sa Jeson Guardo, kinsa nag-wild sa ikatulong kuwarter aron pagdominar sa duwa, 58-48 paingon na ngadto sa katapusan ug final quarter sa maong duwa.
Mi-aksiyon og gukod ang Firefly apan pakyas kini gumikan kay ang Jeson Guardo wala man magpaalkanse ug mipatuasik kini sa ilang mga puntos hangtod na sa pagkapupos sa oras sa duwa.
- Latest
- Trending
