PWAI mopahigayon duha ka tournaments

Ang Philippine Weightlifting Association Incorporated (PWAI) mopahigayon og duha ka qualifying tournaments dinhi sa Sugbu nga maoy moila sa mahimong representante sa nasud alang sa 24th Southeast Asian (SEA) Games karong Disyembre didto sa Thailand.

Kini mao ang heavy load test  ug ang 2007 National 5-in-1 Weightlifting Championships.

Ang heavy load test dunganon sa pagpahigayon uban sa Rizal Memorial Complex ug  sa Sugbu karong Lunes sa wala pa masayring binyu.

Ang  heavy load test pagadumalaon una ni coach Alfonsito Aldanete gumikan kay si Ramon Solis atua pa gihapon karon sa China nga mikuyog  ni Haidelyn Diaz,  ang gilauman sa nasud nga makakuha og Olympic gold sa umaabot.

Ang National 5-in-1 gitakda karong Oktubre 26-30 didto sa Zamboanga City.

Sa laing bahin, ang Cebu City weightlifting officials mipagawas na sa ilang lineup alang sa maong kompetisyon kini naglakip nilang Emily Rosas, Kelly Kaye Rojas, Evan Philip Abing, Noel Bureros, Joselito Padilla, Julie Ann Dumandam ug Jefferson Quiruben.