Cancel na sab away ni Batawang
Nakadawat na sab og makapabuak nga balita ang beteranong Pinoy'ng boksidor nga si Bert Batawang gumikan kay dili na man mahinayon ang iyang paghagit ni IBF light flyweight champion Ulises Solis sa
Si Batawang gikatakda unta nga makigharong ni Solis ubos sa promosyon sa Top Rank karong Septiyembre 16 didto sa Hard Rock Cafe sa Las Vegas, Nevada, apan si international matchmaker Sampson Lewkowicz nagkanayon nga nakadawat siya og e-mail gikan sa kampo ni Solis pagpahibawo kaniya nga dili makaaway ang Meksikanong kampiyon gumikan kay aduna kini injury sa iyang bukton.
“We are very sorry to inform you that Mr. Ulises Solis will be unable to perform on Sept 16th in a match scheduled with Mr. Bert Batawang. Mr. Solis is suffering from a shoulder injury that will disable his ability to fight,” matud pa ni Sean Gibbons, ang ahente sa Team Solis.
“We greatly appreciate your efforts to structure this match and the efforts of the Philippine organization that approved this bout. We hope to make this event happen in the near future and we appreciate your understanding in this matter,” dugang pa ni Gibbons.
Si Solis bag-o lang nakadepensa sa iyang IBF title pinaagi sa pagpalukapa sa Sugbuanong si Rodel 'Batang Mandaue' Mayol sa ikawalong hugna niadtong Agosto 4 didto sa All-State Arena sa Chicago, Illinois.
Mao kini ang ikaduhang higayon sud sa duha ka bulan nga nadiskaril ang duha ka dagkung away alang ni Batawang.
Una niadtong Boxing World Cup diin siya gikatakdang makigbinukbukay ni Gerardo Verde sa usa ka IBF light flyweight eliminator sa undercard sa Philippines vs. Mexico niadtong Agosto 12 didto sa Arco Arena sa Sacramento, California, apan napapha ang maong away gumikan kay si Verde adunay problema sa iyang mata.
- Latest
- Trending
