Nakatukob na gyud og daog ang University of Southern Philippines-Foundation (USP-F) Panthers human nila gipilde ang Don Bosco Greywolves sa iskor nga 89-84 sa nagpadayong 7th Cebu Schools Athletic Foundation, Inc. (CESAFI) basketball tournament kagahapon sa Cebu Coliseum.
Si Moncrief Rogado maoy nangulo sa kadaugan sa Panthers, kinsa mikati og 11 sa katibuk-ang niyang 27 puntos sa katapusang kuwarter lakip na niini ang iyang usa ka triple ug unom ka crucial charities sa nanghinapos nga bahin sa duwa aron pagsanta sa ilang tulo ka pilde.
Si Dennis Tabada, miabag sab ni Rogado sa scoring nga mikabya og 18 puntos, gisundan ni Jonathan Monterde nga mikutlo og 10 puntos.
Ang Greywolves, kinsa wala pa gyud makatilaw og daog sud sa lima ka duwa gipangulohan ni Jake
Alferez nga mibugha og 17 puntos ug gisundan kini nilang Ricmar Perturbos ug Alain de los Santos nga miabuno og 16 puntos matag usa.