Ang kanhi pro star ug veteran commercial coach nga si Leoncio 'Jun' Tan Jr., mopahigayon og try-out alang sa Mandaue Landmasters karong adlawa diha sa Mandaue City Cultural and Sports Complex.
Ang usa ka adlaw nga try-out magsugod gikan sa ala-1 hangtod sa ala-3 sa hapon.
Ang maong try-out maoy salaan sa mga potential players nga maglangkob sa pagbalik sa Mindanao Visayas Basketball Association (MVBA) Second Conference nga mosikad sunod buwan.
Sa wala pa ang Mandaue, ang Landmasters midala sa corporate name nga Toledo Landmasters ni realtor Jose Soberano. Apan wala na kini moapil sa miaging season human mapilde sa M. Lhuillier Kwarta Padala sa Visayas final sa miaging tuig.
Naglaum si Tan nga daghan ang mosalmot sa try-out kay daghan mang mga players nga buot moduwa sa MVBA.