Warriors ‘di mapigil
Wala pa ring makapigil sa rumaragasang Red Warriors.
Inangkin ng University of the East ang kanilang pang anim na sunod na panalo makaraang igupo ang Far Eastern University, 89-60, para patuloy na dominahin ang first round ng 70th UAAP men’s basketball tournament kahapon sa Ninoy Aquino Stadium.
Humakot si Kelvin Gregorio ng career-high 22 puntos, 4 rebounds, 3 assists at 1 steal upang ibigay sa Red Warriors ang 6-0 kartada sa itaas ng Ateneo Blue Eagles (4-2), La Salle Green Archers (4-2), Tamaraws (3-3), nagdedepensang University of Sto. Tomas Growling Tigers (3-3),
Sa pangalawang laro, sinikwat naman ng Falcons ang kanilang kauna-unahang panalo matapos talunin ang Fighting Maroons, 95-76, mula 25 marka ni Leo Canuday at 24 ni Patrick Cabahug.
Matapos isara ang first period, 24-12, tuluyan nang inilayo ng UE ang laro sa halftime, 49-28, patungo sa pagtarak ng malaking 26-point lead, 54-28, kontra FEU sa ilalim ng 8:00 minuto sa third quarter buhat sa isang three-pointer at basket ni Gregorio.
Samantala, kinatigan naman ng UAAP Technical Committee ang reko-mendasyon ni UAAP Commissioner Ed Corde-ro na ibasura ang isinam-pang protesta ng La Salle ukol sa sabay na pagpapalaro ng Ateneo kina Australian Zion Laterre at American Kirk Long sa kanilang 80-77 overtime noong Hulyo 26.
“It’s an impractical rule at wala namang epekto sa outcome ng game since six seconds lang naman nagsabay sa loob ng court sila Zion Laterre at Kirk Long at walang naka-score sa possession,” ani Cordero.
UE 89 -- Gregorio 22, Lee 10, Arellano 9, Borboran 9, Martinez 9, Bandaying 5, Reyes 5, Espiritu 5, Fampulme 4, Llagas 4, Acuna 3, Lingganay 2, Canizares 2, Etrone 0, Thiele 0.
FEU 60 -- Cawaling 10, Barroca 8, Adolfo 7, Baracael 7, Cervantes 5, Fernandez 5,Abaring 4, Knuttel 4, Sanga 3, Tanuan 2, Ramos 2, Reyes 2, Cabagnot 1, Alisbo 0.
Quarterscores: 24-12; 49-28; 65-39; 89-60.
Adamson 95 -- Canuday 25, Cabahug 24, Hugnatan 14, Gonzalgo 8, Yambot 5,Olalia 4, Aguilo 4, Lozada 3, Colina 3, Santos 3, Dela Paz 1, Alvarez 1, Cañada 0, Mar-gallo 0, Gorospe 0.
UP 76 -- Gamboa 15, De Asis 14, Co 12, Agbayani 12, Serios 9, Rivera 5, Reyes 5, Marfori 2, Lopez 1, Rosales 1, Wong 0, Dela Victoria 0, Hipolito 0, Epres 0.
Quarterscores: 20-11; 48-25; 68-49; 95-76.
- Latest
- Trending
