Ang defending champion Daisy Condensada '90 miposte og sunod-sunod nga daog sa 12th Sacred Heart Alumni Basketball Association (SHABA) season diha sa Sacred Heart School-Jesuit gym.
Ang Daisy Condensada '90 miabli sa ilang title retention bid pinaagi sa 67-57 nga kadaugan batok sa Gillamac/Sanyo '97.
Ang Daisy Condensada, luyo sa paningkamot nilang Dave Lim, ang MVP sa miaging tuig ug Theogene Lim, midaog sab batok sa Kenya 2003 sa iskor nga 57-44.
Sa laing duwa, si Eldie Cabahug milansang og duha ka free throws sa daginutong oras aron paghatod sa Worldwide Travels and Tours 2005 ngadto sa 54-53 nga kadaugan batok sa Trakstek/Simply Penny.
Ang Home Option '95 sa laing bahin, nagsandig sa mainitong kamot nilang Joel Co, Rhet Tomakin ug James Edquila aron pagsakmit og 70-61 nga kadaugan batok sa PhilHeavy '97, samtang ang Singha Beer '95 midaog sab batok sa Super Shuttle Ferry 2002 sa iskor nga 56-51.