Fonacier lilipat sa San Miguel?

Ang paglipad ng Eagles ay lilipat sa San Miguel Beer sa 2007-08 season ng PBA ngayong usap-usapan ang isa namang paglipat ng isang Red Bull cager sa pamamagitan ng trade na maaaring maganap anumang oras ngayon.

Ayon sa isang source, napipinto ang paglipat ni Larry Fonacier, 2006 Rookie of the Year awardee sa San Miguel Beer kapalit nina Brandon Cablay, Francis Adriano at Omanzie Rodriguez.

At kapag natuloy ang deal, makakasama muli ni Fonacier ang mga kakamping Atenista na sina Enrico Villanueva, Wesley Gonzales at LA Tenorio sa kampo ng San Miguel.

Naunang kinuha si Villanueva ng Beermen sa Red Bull sa isang three-team deal na nagdala naman kay Romel Adducul sa Purefoods at Celedon Camaso sa Barakos.

Nauna rito, Si Fonacier na hindi nakalaro sa kanyang final season sa UAAP sanhi ng torn anterior cruciate ligament, ay second pick ng Red Bull noong 2005 Draft.

Sinorpresa niya ang marami ng tinulungan nito ang Red Bull na manguna sa Fiesta Conference na nagbigay sa kanya ng ROY.

Ayon pa sa source, kapag natapos na ang trade ni Fonacier, mapupunta si Rodriguez sa Purefoods kapalit ng draft pick para sa Red Bull. (ACZaldivar)