Sa labing unang higayon, si Sangguniang Kabataan (SK) Yati Federation chairman Arian Pitogo mipahigayon og basketball clinic alang sa mga batan-on kinsa nangandoy nga mamahimong sikat nga basketbolista dinhi sa nasud sa umaabot.
Ang training camp nga gisugdan niadtong Hulyo 14 diha sa Yati basketball court sa lungsod sa Liloan giapilan og 43 ka mga estudyante sa mini-midget category.
Ang mga partisipante gi-train ni Edcel Vallena, kinsa maoy nagtimon sa Skygo Riders ngadto sa back-to-back championships sa Cebu Basketball Federation (CBF).
Si Vallena, mao usab ang head trainer sa duha ka buwan nga Sirlitz One-on-One Basketball Training Camp diha sa Guadalupe Sports Complex.
Alang sa dugang detalye ug kasayoran kalabot sa pagpahigayon og basketball clinic mahimong motawag ni coach Edcel Vallena sa numero 0920-6390885.