Fight to the finish
Nabugto na gyud ang upat ka sunod-sunod nga kapildihan sa Heart Vit-Blue pinaagi sa pagpukan sa Philmetal Steelers sa Punta Princesa Sports Association (PPSA) 2007 Summer League basketball tournament diha sa Vicente Sotto Memorial Gym sa barangay Punta Princesa, ning siyudad.
Ang 6-foot-2 nga si Mark Gamallo maoy mikatu sa opensa sa Heart Vit-Blue pinaagi sa pagposte og 15 sa iyang 17 puntos sa unang kuwarter.
Hinuon, ang kanhi USJ-R Jaguar nga si Edward Buhay, kinsa nakahimo og dakung kadaot sa Philmetal Steelers nga mirehistro og game-high 30 puntos alang sa Heart Vit-Blue.
Si Rey Zamora mitampo og 15 puntos alang sa Heart Vit-Blue, samtang ang bag-ong head coach sa USJ-R Jaguars nga si Edito 'Etoy' Salacut nipaksi og 10 puntos apan siya maoy responsabli pagpugong sa mga key gunners sa Philmetal.
- Latest
- Trending
