Pinoy’s dribbling feat makes it to Guinness
Kulbahinam nga aksiyon ang masaksihan karong adlawa gumikan kay walo ka teams ang magtige sa knockout semifinals sa 1st M. Lhuillier Kwarta Padala Open Indoor Volleyball Tournament diha sa University of San Carlos North Campus Gym (kanhi USC Boys High) sa may General Maxilom Avenue, ning dakbayan.
Sa pasiunang duwa nga gikatakda sa alas 10:00 sa buntag, ang Dewfoam-backed USC spikers ni coach Eugene de la Cerna ug team sponsor Dewey Choachuy makigharong batok sa Team Liloanon ni Liloan mayor-elect Gerardo 'Dodong Gamay' Frasco, Jr.
Sa lain pang kumbati sa men's semis, ang ML Cebu Dried Mango Delights-sponsored University of San Jose-Recoletos (USJ-R) Spiking Jaguars ni coach Grace Antigua makighamag sa Tinong's Bakery Mandaue selection.
Ang mga mananaog maoy makaangkon og katungod nga mag-ilog sa titulo sa men's division.
Sa women's crossover semis, ang Hiroshi ni coach Ray Acojedo ug team owner Harou Iwanaga makigsangka batok sa RTM ni Fr. Rolando Manayon sa ala-1:00 sa hapon. Pagasundan kini sa kumbati tali sa MLSDF All-Stars ug Hotel Fortuna-sponsored USJ-R.
Ang manghawod sa duha ka engkuwentro maoy magsambunot alang sa korona sa women's division.
Ang kampiyonato sa men's ug women's categories banatan ugmang adlawa diha sa University of Southern
- Latest
- Trending
