NATO reassures Russia over eastern moves

Libreng mag-ambisyon o mangarap. Ito ang palagi kong sinasabi sa mga kabigan ko at maging sa sarili ko.

Lalo na kapag nakukuwentuhan kami ng bestfriend kong si “Tita Au”. Katunayan nalibot na namin ang buong mundo (sa pangarap). Kasi malay ba naman natin baka sakaling magkatotoo, lalo na kung pursigido at may ginagawa para maisakatu-paran ang ambisyon o pangarap na gusto.

Kaya ko nasabi ito, dahil sa ambisyon ng Philippine basketball na muling makabalik sa Olympic basketball.

Siyempre may ginagawa sila para maisakatu-paran ang pangarap na ito.

Naririyan ang pagbuo ng All-pro national team na bagamat hinahagupit ng ilang kritisismo ay patuloy pa rin sa kanilang adhikain.

Nagsasanay sa ibang bansa upang paghandaan ang pinanabikang pagbabalik sa Olympiyada.

Katunayan, may nakasilip ng pag-asa ang Nationals na kasalukuyang nakikipaglaban sa SEABA Men’s Championship sa Thailand kung saan ito ang pinto patungo naman sa FIBA-Asia na qualifying sa Olympics.

Bagamat sa SEABA ay medyo magaan ang laban, ang FIBA-Asia qualifying naman ay hindi.

Kaya sana naman samahan natin ang pakikibaka ng ating Nationals sa pamamagitan ng dasal na sana nga ay maisakatuparan nila ang ambisyon o panga-rap na muling makabalik sa Olympiyada.

Sana nga makapunta ang RP-5 sa Beijing Olympics!

* * *

Malapit na ang Southeast Asian Games at dito ang amateur basketball team naman ang ipapadala. Hahataw ng husto ang Philippine basketball matapos ang dalawang taon na pagkakasuspinde ng FIBA, at maraming basketball afficionados ang natutuwa sa pagbabalik na ito ng Pilipinas sa senaryo ng basketball.