Salimbangon gihulgang patyon

UPAT ka mga batan-ong  basketbolista, kinsa mipakita  sa ilang katakus, gipasidunggan  isip most valuable players (MVP) sa bag-o lang natapos nga Sirlitz One-on-One summer basketball clinic diha sa Guadalupe Sports Complex, ning dakbayan.

Ang napiling MVP mao sila  si  Felix Atillo Jr., 17 anyos ug Waldemar Russell del Rosario, Kerby Jay Navarro ug Avelino Francis  Desalago, nga pulos nagpangedaron og 12  anyos  gumikan kay ilang napahimuot  pag-ayo pinaagi sa ilang lihok ang head  trainor niining si Edsel Vallena, kinsa usa ka  kanhi coach sa commercial league dinhi sa Sugbu.

Ang upat nakadawat og  tagsa ka tropeyo isip pasidungog sa ilang gipakitang maayong lihok samtang nagbansay-bansay kini  sulod sa duha ka buwan.

Kapin sa 142  ka estudyante ang miapil sa maong basketball clinic.

Gawas sa tropeyo, nakadawat  sab ang mga MVPs og medalya ingon man certificates of graduation.

Si Desalago nakadawat sab og laing medalya isip pinaka-maayong mo-tapal ug giila sab  siya nga "Tapal King."

Ang gipasidunggan isip mga rookies  mao sila si  Aljon Ray Ramirez, Eric John Gonzales ug John Mark Artajo.