Gipatay bisan anak nagtan-aw

Ang Boholanong boxing sensation Rey 'Boom Boom' Bautista mobalik na og ensayo sunod semana sa ALA Boxing Gym aron mangandam sa umaabot niyang away batok ni WBO super bantamweight champion Daniel Ponce de Leon sa Mexico.

Ang kumbati nilang Bautista ug De Leon lagmit maoy main event sa gilaraw nga World Cup of Boxing Philippines vs. Mexico nga tentatibong gikatakda sa katapusang semana sa bulan sa Agosto o sa sayong bahin sa bulan sa Septiyembre dinhi sa Sugbu.

Si Bautista gitugotan sa iyang manedyer nga si Antonio 'Bidoy'  L. Aldeguer nga mobakasyon og duha ka semana didto sa ilaha sa Candijay, Bohol human sa impresibo niyang kadaugan pinaagi sa unanimous decision batok sa kanhi way pildeng si Sergio Manuel Medina sa Argentina sa undercard sa away nilang Oscar de La Hoya ug Floyd Mayweather niadtong Mayo 5 didto sa Las Vegas.

Sa laing bahin, si Bautista nahiapil na karon sa listahan sa labing maayong pound-for-pound fighters sa tibuok kalibutan ubos sa super bantamweight division. Ikaunom siya  sa Ring Magazine, ang giila  nga bibliya sa boksing ug no. 9 sa Fightnews.com.