Pagbugtaw sa kagawasan

Ang tennis princess sa Sugbu nga si Sally Mae Siso maoy unang Cebuana player nga nilangkat og duha ka tiket sa semifinal sa 12th Gullas Cup tennis tournament  kagahapon diha sa Casino Español tennis courts, ning siyudad.

Ang top seed nga si Sally Mae maoy unang entrante nga nakakuha og lingkoranan sa semifinal sa girl's 14- and under division human niya gisirohan si Mary Christine Bellita, 6-0, 6-0.

Si Siso gitakdang moharong sunod ni Cheska Tabotabo o dili ba ni Vincee Sanchez.

Si Siso niposte sab og daog sa girl's 16-under batok ni Sheena Mae Pavo, 6-1, 6-0 sa quarterfinals nga makigsangka ni top seed Sandra Lagman, kinsa nidaog batok ni Camille Daphene Zapatos, 7-5, 1-6, 11-9.

Lain pang semifinalists sa girl's 16 class mao sila si Cindy Gerapusco human niya gipukan si Abigael Bancali, 7-5, 6-3 ug Kirstie Holly Barraquias, kinsa  gilisudlisud pa ni Eloisa Collo sa wala pa maangkon ang kadaugan, 3-6, 6-4, 10-4.

Sa laing bahin,  nakompleto na ang semifinal cast sa girl's 18 and 12-under divisions.

Si Sandra Lagman nakaangkon og semifinal ticket, diin miabante kini sa girl's 18  human gipilde si Abigail Bancali, 6-1, 6-3.

Si Lagman makigsangka ni Kirstie Barraquias, kinsa nidaog batok ni Cherilyn Baklay, 7-5, 6-2.

 Nakig-uban nilang Lagman ug Barraquias sa sunod hugna mao silang Lovelie Soquino, kinsa nisakmit og daog batok ni Rosemarie Sanchez, 7-5, 6-0 ug si Eloisa Collo, nga yano kaayong mipukan ni Abigael Bayot, 6-1, 6-2.

Didto sa Cebu Country Club, si Niño Siso pakyas pagkopya sa kadaugan sa iyang igsuong si Sally Mae kagahapon dihang miangkon lang kini og usa ka lingkoranan sa usa ka class category.

Si Niño yano ra kaayong midaog batok ni Kurt Gerapusco, 6-0, 6-1 aron  moharong sunod ni Juniel Abellanosa sa boy's 14-under class. Si Christian Paul Cabahug moharong sab ni Dan Eldred Cinco sa mao gihapon nga kategoriya.

Ang kaluha ni Christian Paul nga si Christian John, miabante sab human sa iyang 6-3, 6-2 nga kadaugan batok ni Michael Aguilar  ubos sa lower bracket uban nilang Juniel Espinoisa ug Fritz Satera.

Hinuon, si Niño napakyas sa pag-inat sa iyang kadaugan sa boy's 18 human napukan ni John Francis Largo, 6-4, 6-1.

Si Kennex Abadia nakig-uban sab ni Largo human kini makalingkawas sa kulbahinam nga duwa batok ni Larry Antigua, 6-3, 2-6, 10-5.