Tabotabo sud sa semis sa unisex 10-under

Miambak na ang Sugbuanong si Vince Marc Tabotabo sa semifinal rounds sa nagpadayong 6th Toby’s Annual Summer Tennis kagahapon didto sa Rizal Memorial Tennis courts sa kaulohan.

Ang lumad nga taga-Tuburan nga si Tabotabo miabante sa semifinal round sa unisex 10-under class pinaagi sa pagkulit og daog batok ni Paolo Arrevalo, 6-0, 6-0.

Samtang ning pagsulat, wala pa masayri kun si kinsa ang ikaatbang ni Tabotabo sa semifinals.

Si Tabotabo, kinsa gisuportahan ni Cebu Vice Governor Greg Sanchez gikatakda sab nga makigtige batok ni Emilio Martin Puno alang sa second round sa boys’ 12-under division.