Padayon ang pagsidlak ni Tabotabo sa kaulohan

Padayon ang pagsidlak sa Sugbuanong si Vince Marc Tabotabo human kini niposte og duha ka daog sa managlahing dibisyon sa pagbukas sa 6th Toby’s Annual Summer Tennis tournament didto sa Rizal Memorial Tennis courts.

Si Tabotabo, kinsa bag-o lang misakmit sa ikaupat niyang titulo didto sa kaulohan midaog batok ni Joel San Andres, 6-1,6-0 sa 10-under class.

Si Tabotabo, kinsa moharong sunod batok ni Paolo Arrevalo, nikulit sab og daog sa boy’s 12-under class human niya gipilde si Ernesto Gatdula, 6-3, 6-0.

Karong adlawa, si Tabotabo nga gisuportahan ni Cebu Vice Governor Greg Sanchez makigkumbati batok ni Emilio Martin Puno alang sa second round.