Valero, gigil na gigil na kay Pacquiao

 Habang abala sa pangangampanya si Filipino boxing hero Manny Pacquiao, patuloy naman sa pagpaparamdam sa kanya si World Boxing Association (WBA) super featherweight champion Edwin Valero ng Venezuela.

 Ipinakita ito ng 25-anyos na si Valero sa pa-mamagitan ng isang Technical Knockout (TKO) kay Japanese challenger Nobuhito Honmo sa 1:54 ng 8th round. 

"I am looking to defend my championship belt against Manny Pacquiao in the future," sambit ni Valero, itinaas ang kan-yang ring record sa perpektong 22-0 tampok rin ang 22 KOs. 

Si Honmo, nagdadala ngayon ng 29-4-2 kasama ang 5 KOs, ang isa sa mga nasa listahan ni Bob Arum ng Top Rank Promotions para isagupa kay Pacquiao bago napili si Mexican Jorge Solis. 

Sa kartada ni Valero, ang una niyang 18 panalo ay pawang tinapos niya sa loob lamang ng first round hanggang mapu-wersa sa second round ni Gerano Trazancos noong Marso ng 2006. 

Sa kanyang pagdede-pensa ng WBA super featherweight crown noong Agosto, dalawang beses pinabagsak ni Valero ang karibal na si Vicente Mosquera bago niya tinapos ang laban sa 10th round. 

Sa kabila ng naturang panalo ni Valero kay Honmo, hindi pa rin siya isinasama ni Arum sa mga posibleng makasagupa ni Pacquiao, sinasabing maghahamon kay Ma-nuel Marquez sa susunod na taon. 

Ang 28-anyos na si Pacquiao ang kasalukuyang World Boxing Council (WBC) International super featherweight champion. (Russell Cadayona)