Beverly Farm mipulbos sa GAA

Ang Beverly Farm ubos sa pagpangulo ni Alex Cainglet mipulbos sa GAA Selection, Inc. sa iskor nga 105-85 sa open division sa 1st Friendship Unity Cup Open/Inter-Company and Inter-Sitio Basketball Tournament diha sa Guadalupe Sports Complex.

Sa sayo pa, ang RBI midemolis sa Pharmart, 91-69.

Ang Guadalupe Friendship Cup nga adunay tulo ka kategoriya gitukod nilang Lito Posadas, Michael Granada ug Harold Lopez uban sa pag-abag sa Guadalupe Barangay Council ubos sa liderato ni Brgy. Capt. Jingjing Faelnar.

Si Cainglet, kinsa wala na moduwa sa katapusang kuwarter maoy nangulo sa opensa sa Beverly Farm ni coach Ancing Anciado ug team owner Beverly Busmion nga mipupo og 20 puntos. Giabagan sab kini nilang Rondell Roncal nga adunay 17 puntos ug ang kanhi UV Lancer nga si Randy de la Pisa, kinsa miamot og 16 puntos.

Ang GAA Inc. nagsalig nilang Junie Ararao ug Allan Ricaña alang sa opensa, apan wala kini makatarog sa mga banggiitan sa Beverly Farm sama nilang Abe Galinato, Ariel Maraño, Ronald Paraiso, Jumel Lanutan, Herbert France ug Jessie Lumantas.