Liloan, Hiroshi now 2-0 in M. Lhuillier volleyball

Ang Pilipinong si Bert Batawang posible nga makaaway og world title karong tuiga kun molampos kini sa iyang tahas sa 12-round nga magsilbeng eliminator paingon ngadto sa ganghaan sa IBF light-flyweight title karong Mayo 26 batok sa Meksikanong si Francisco Rosas didto sa Anaheim Arena sa California.

Mao kini ang gibutyag sa iyang manager nga si Sammy Gello-ani atol sa usa ka press conference kagahapon diha sa Marriott Hotel, ning siyudad sa Sugbu.

Sila si Batawang ug Rosas mopakita'g aksiyon sa undercard sa gipaabot nga Joan Guzman-Michael Katsidis unification battle ug ingon man sa Oscar Larios-Jorge Linares world featherweight title showdown.

Si Batawang (50-6, 34 KO's) bag-o pa nga mikulit og daog pinaagi sa fourth-round TKO batok sa Indonesian nga si Sofyan Efendi niadtong Pebrero 24.

Samtang si Rosas (23-4-1, 12 KO's), kinsa gibansagan og 'Chiquita', maoy naghupot sa Mundo Hispano lightflyweight title ug sukad masukad wala pa kini mapilde pinaagi sa knockout sa iyang pro career.