Liloan, RTM-Mandaue ''daog sa 1st MLKP Indoor volley

Ang Liloan spikers naka-eskapo sa ilang lisud nga tahas human gipilde ang ML Pamilya Insurance Plans-backed University of the Visayas pagsugod sa 1st M. Lhuillier Kwarta Padala Indoor Volleyball Tournament kagahapon diha sa USC gym.

Ang Liloan spikers ni team owner Gerardon ''Dodong Gamay'' Frasco Jr. midaog sud sa lima ka sets, 25-14, 26-24, 14-25, 16-25, 15-10.

Ang Visayanians napilde sa nag-unang duha ka sets, apan mibawos kini sa ikatulo ug ikaupat nga sets aron pagpugos og rubbermatch.

Sa laing aksiyon, ang Team RTM-Mandaue ni Fr. Rolando T. Manayon midaog sab sa ilang lahugay batok sa Rich Media Digital Ads-sponsored University of San Carlos sud sa tulo ka sets sa iskor nga 25-12, 25-18,25-22.