Napulo''g-unom ka koponan ang kompirmadong mosalmot sa Inter-Sitio, samtang laing pito ka teams ang mobanat sa open category.
Si Michael Granda, kinsa usa sa mga prime movers sa maong torneyo miingon nga ang mga koponan nga moduwa sa Inter-Sitio division mao ang Tommy and Dinio, GMC, Nakano, Queensville, Mohon, Bananaville, Singson Compound, Rolling Bones, Inc., Panaghiusa/Ritchie Osmeña, Guadario, Cabajar, Fairlane Village, Banawa/Island Paints, ESCO, CYPA ug Pharmart.
Ang mga entrante sa open category mao ang San Remigio Beach Club, Beverly Farms, ACN Benglins, Bambi Cooking Oil-USC Commerce, AC Sports, Firefly ug ang host-GAA Selection, Inc.
Pipila ka mga inilang basketbolista dinhi sa Sugbu ang mopakita sa ilang gilas ubos sa open category.
Usa sa mga highlights sa opening ceremony mao ang pagpili og "best muse" ug "best in uniform" sa matag kategoriya.