Usa ka magbabasa ning lindog nga tag-iya sa cellphone number 0926-4933907 mi-text kanako nga nagkanayon: "Good day, Mr. Vallecera. I''m a billiard aficionado ug kanunay kong gasunod ining imong lindog. Pero to my disappointment, usahay walay Bilyar column sa Banat. Nganong panagsa na man lang kini mogawas? Nindot baya nang gipanghatag nimong tips sa mga magdudula. Salamat."
Daghang salamat sab sa imong text, Higala. Tungod sa kaapiki sa espasyo maoy hinungdan nga dili makagawas kining maong lindog. Ang page 15 man gayod ang maapektohan og maayo kun magkadaghan ang legal notices sa Banat News. Kanunay baya kong nagsulat alang niining maong lindog. Bisan kada adlaw pang mogawas dili kana suliran para nako. Pero limitado lagi ang atong espasyo. Mao nga pasensiya na gyud.
Usbon ko, salamat sa imong concern ug sa imong pagsuporta niining maong lindog. Bisan panagsa na lang ta magkita sa page 15 sa Banat News pero paningkamotan ko nga makahatag gihapon kaninyo og paglingaw aron paghatag og dugang bulok sa inyong adlaw.
Kaniadto sa nagsulat pa ko''g column bahin sa billiard sa Bomba, usa ka tabloid nga Tinagalog nga gipatik sa Manila, dihay magbabasa nga nangutana nako pinaagi sa text kun motuo ba ko bahin sa suwerte. Ako siyang gitubag pinaagi sa akong column kaniadto nga "Tirador" nga "motuo ko." Pero alang nako, ang suwerte usahay nagdepende sa paningkamot. Kun ang paningkamot buligan sa maayong kahigayonan, molampos ka gyud. Pero bisan unsaon og paningkamot apan dili moduyog ang panahon, pakyas lang gihapon. Kini napamatud-an sa daghan nang mga higayon.
Si Florencio Banar, usa ka maayong laking bilyarista didto sa Luzon nga nakasakmit na''g dili momenos unom ka major local titles ug kanhi sakop sa SEA Games delegates miingon: "Malaking advantage ang experience pero mas malaking factor sa laban ang suwerte."
Dunay giingon nga "fortune favors the brave." Sa pagdula og bilyar, dili nato ikahiklin sa daplin ang suwerte ug demalas.
(Mga sugyot ug pakisayod? Text sa 0910-8105522)