Ang tensiyon sa kamot

Maoy hisgutan nato karon ang hustong paggunit sa tako. Importante kaayo kini tungod kay kun dili husto ang pagkagunit sa tako, posibleng dili epektibo ang pagtira sa magdudula. Busa ayaw pagtuo nga depende ra sa estilo ang paggunit og tako. Adunay maingon tang espisipikong sugyot kun unsaon kini paggunit alang sa mas epektibong pagtira ug pagdula.

Sumala sa mga eksperto, dili maayong hugton ang paggunit sa tako. Nadiskobrehan man gud nila nga kun hugot ang pagkagunit sa tako may posibilidad nga mausab ang target niini sa aktuwal nga pagtira ug dili na hinuon maigo ang buot ig-on niini. Gawas nga dili hugton, dili usab ipatumoy og maayo sa dapit sa punoan niini ang paggunit aron mas tanos ang pagpunting niini sa bola.

* * *

Si Ashok Kumar, tagsulat sa librong Snooker and Billiards, miingon: "The grip is easy. Pick up the cue a few inches from the butt end as if you were going to use it as a club. Relax the tensiyon in your hand. The cue should rest lightly, held just firmly enough to stop it sliding around."

Nagpasabot kini nga dili kaayo hugot ang paggunit sa tako. Wala kinahanglana ang hugot nga paggunit kay dili man lagi kini makatabang sa epektibong pagtira. Ang maayong buhaton mao nga irelaks ang tensiyon diha sa kamot pinaagi sa lugak nga paggunit sa tako. Basta dili na modal-os ang tako gikan sa kamot, igo na ang maong kahugot sa paggunit. Sa ingon, mawala ang tensiyon. Ug kun walay tensiyon, mas sayon ang pagpahigayon og tayada sa magdudula.

Gipasabot ni Kumar nga ang paggunit sa tako ipahigayon sa natural nga paagi. Matawag nga usa ka common fault ang hugot nga paggunit niini. Ang sobra gud kahugot nga paggunit sa tako maglugtab sa kagawasan sa kamot pag-adjust sa sitwasyon sa ibabaw sa billiard table ug may tendensiya pa gayod sa pagkausab sa target.

* * *

SAL-OT LANG: Adunay suking magbabasa nga mihangyo nga mangita sila''g textmate pinaagi niining lindog. Ang una mao si Zsa Zsa Hibutan sa Cagayan de Oro City (0910-3250743) ug ang ikaduha si Daisy Quiambao (0906-9264989). Text na.

* * *

(Mga sugyot ug pakisayod? Text sa 0910-8105522)