Hindi dapat maliitin si Solis-Arum

SAN ANTONIO, Texas -- Magkadikit, malinaw at malalakas na suntok mula kay Jorge Solis ang maaring magdala kay Manny Pacquiao sa seryosong problema.

Ito ang babala ni Top Rank boss Bob Arum na nagsabing hindi dapat maliitin ni Pacquiao ang kalabang Mexicano na wala pang talo.

"If Jorge hurts Manny, he just won’t let him off the hook. Once he hurts Manny, he will surely go for the kill," pahayag ni Arum sa mga Filipino scribes sa lobby ng Radisson Hotel noong Lunes ng gabi.

Naalala ni Arum ang laban ni Pacquiao kay Oscar Larios sa Manila nong nakaraang taon at sinabing ang pinakama-laking pakakamali ng Mexicano ay hindi niya binugbog ng sunod-sunod ang kalaban na kanyang ginimbal sa ikalawang round.

Ito ang nagbigay-daan kay Pacquiao na makalu-sot sa 12-round decision at iniligtas ang sarili sa kahihiyang kabiguan sa harap sana ng kanyang mga nagbubunying kala-ban.

"It seemed that Larios backed off instead of going for the kill. Solis is quite different. Once he hurts you, he’d go for the kill," dagdag ng maalamat na promoter.

Sinabi ni Arum na kahit paborito si Pacquiao, kailangang maging handa siya kay Solis na hindi basta-bastang boksingero si Solis, hindi baguhan at hindi tipo ng boksingerong manloloko sa laban.

"Solis is not well-known but he’s got the exposure. Solis is a very good boxer. He mixes it up well," ani Arum.

Idinagdag din ng hindi tumatandang promoter na wala siyang pakialam kung ang laban ay mag-wawakas sa tatlong rounds o aabot ng 12 rounds, basta masiyahan lamang ang mga fight fans at malubos ang kanilang ibabayad.

"The length of the fight doesn’t matter as long as they mix it up. I don’t care if its 12, 10 or three rounds as long as it’s a good fight," wika pa ni Arum, na umaasa siyempreng si Pacquiao ang magwa-wagi.

Samantala, nasa pali-gid na ang tinatawag nilang "Manny Mania".

Limang araw bago ang laban, mainit na mainit ang bentahan ng tiket sa Alamodome.

Ayon kay Arum ang mahal na tiket ay nagka-kahalaga ng $200 hang-gang $300 at patuloy na binibili habang ang pina-kamura naman na $50 ay malamang maubos bago ang opening bell.

"Sales are spectacular. It was unbelievable last week. It’s just booming and we’re pleased. It’s Manny Mania in San Antonio," wika ni Arum sa nalalapit na laban ng kanyang bata laban kay kay Solis.