Online camp sugdan karon

Sugdan na karong adlawa ang Online Basketball Training Camp diha sa San Roque Gym atubangan sa Cebu Metropolitan Cathedral tupad sa Patria de Cebu.

Mao kini ang first level sa training alang sa usa ka buwan nga cage clinic nga magtudlo sa fundamental skills sama sa proper shooting, passing, catching ug dribbling.

Ang Online training camp hitsas sa mga kahimanan alang sa maong training aron mapalambo ang kasinatian sa mga campers.

"There will be actual drills to see to it how far the campers have gone through with their training. It is fun to watch and clearly noticeable by the parents if their child is really improving," matud pa ni Online training camp director Mark Antonhy Tallo, kanhi PBA player ug kaduha kahigayon nga nasakop sa nasudnong koponan.

Nakaapil na sab ni Tallo ang seminars didto sa Paris, France ug Singapore uban ang legendary Tex Winter, ang assistant ni Los Angeles Lakers head coach Phil Jackson.

Ang Online mopahigayon sab og summer camp didto sa Minglanilla karong Abril 9 sa Minglanilla Sports Center, sa Abril 12 adto kini ipahigayon sa Butuan ug sa Abril 19 sa Tagbilaran City.

Gawas sa libreng basketballs ug upper uniforms, ang Online manghatag sab og certificates of recognition alang sa mapiling outstanding students ug laing certificates of attendance alang sa tanang mosalmot sa summer camp.