Retanal nanghawod gihapon

Si William Retanal Jr. maoy nanghawod sa ikaduhang edisyon sa Cebu Executives and Professionals Chess Association (CEPCA) Active Chess Tournament nga nikompleto og 5.0 puntos.

Nigamit kini og Pirc defense sa iyang pagpukan ni Felix Balbona sa katapusan niyang assignment.

Si Maggi Dionso mipukan sab ni Renato Casia gamit ang Sicilian defense aron sa pagpahiluna sa iduhang dapit bitbit ang 4.0 puntos.

Sila si Mandy Baria, Casia ug Jade Johnson nagtabla uban ang 3.0 puntos matag usa, apan si Baria maoy nakaangkon sa ikatulong dapit pinaagi sa superior tie-break output nga 13.5 puntos. Si Casia nakakuha og 13.0 puntos, gisundan ni Garzon nga nakapupo og 9.5 puntos.